PIYAAR KA IZHAAR

kitna piyaar tum se he tum ko hum batlain kia

piyaar ka saager kitna gehra lafzon me samjhain kia


aiene se mut poocho hum se poocho tum jaana

chand se piyaara mukhra tumhara chand ko hum sharmain kia


saal yeh aise lagte hen jese kuch pal guzre hen

chahat ke aaine men jaana tum ko hum dekhlain kia


saal maheene hafte din jee nahi lagta ab tum bin

dil mange bas tum ko jaana dil ko hum samjhain kia


yehi dua he apni rab se saath humhara na choote

aik tumhen jo paya hum ne aur khuda se pain kia


khalid imran mutthir

SHIKWAH

kyun mujh se gurezan ho mujhe saaf bata do

ger jurm mohbat he to phir is ki saza do


ab derd ki shiddat men woh tezi nahi baaqi

laao koi khanjar mujhe ik zakham naya do

men khuwab me rehta nahi yeh jhoot he jaana

tum ishq ki aatish ko na ab aur hawa do

rakho na koi baat bhi tum dil me chupa ker

me raha ki dewaar hoon to mujh ko gira do

is dour ka miyaar bhi dolat he mohbat

thukrao mager kuch meri qeemat hi laga do

terso na kabhi piyaar ko yeh meri dua he

ae kaash faqat tum bhi mujhe ye hi dua do

me raakh badan le ke kahan jaon ga muthhir

muskan nahi banta he to merqad hi bana do



khalid imran mutthir

PIYAAR

jaan tak bethe apni haar mian

tum ko aaya na aitbaar mian

husn ki qeematen na lag wao

ishq me kesa karobaar mian

pusht ke waar se he andaaza

kitna kerte ho hum se piyaar mian

wehshaten ab sukoon deti hen

daman e dil he taar taar mian

jaane wale kabhi nahi aate

aankhen rehti hen ashkbaar mian

jane kub be wafai ker jai

zeest ka kuch na aitbaar mian

daar tak chorne tum aai ho

tum bhi the apne raazdaar mian

hum faqeeron se kia mile ga tumhe

tohmaten den hen jo hazaar mian


tum bhi aai ho hum ko samjhane

dil pe he kis ko ikhtiyaar mian


raat dhalte hi ghar chale jana

maain kerti hen intizaar mian

maal o zer me khuda bhula bethe

ab kyun hote ho sharm saar mian

bum dhamaakon me ghar ujarte hen

kon rakhta he ab shumaar mian

woh jo sab haakimon ka haakim he

uska baaqi he iqtidaar mian

zeest kaanton ki saej he mutthir

ban pare to isse guzaar mian


khalid imran mutthir